Admissiun La biblioteca municipala e chantunala da Zug è averta a tut las persunas che abitan en la
regiun da Zug ni che lavuran el chantun da Zug. Scadina
midada d'adressa è d'annunziar uschespert sco pussaivel a la biblioteca.
Carta da legitimaziun La registraziun succeda cun preschentar ina carta d'identitad. Persunas che lavuran ubain visitan ina scola a Zug cumprovan quai cun preschentar in mussament dal patrun ubain in attest da scolar. Il nov registrà e la nov registrada retschaivan gratuitamain ina carta da legitimaziun. Ina sperdita da la carta è d'annunziar immediat per prevegnir a maldiever. Per donns che resultan da la sperdita èn l'utilisader u l'utilisadra responsabels. Il remplazzament da l'emprima carta custa 10 frs.
Emprest L'emprest è gratuit. El è sulettamain pussaivel cun preschentar la carta da legitimaziun. Scadin utilisader e scadina utilisadra san emprestar fin a 15 ovras a medem temp. En questa cifra dastgan esser cuntegnì maximalmain 10 cudeschs, 5 cudeschs auditivs, 5 chartas, 5 videos, 5 discs cumpacts da musica, 5 cd-roms e 5 dvd/bd.
Durada da l'emprest La durada d'emprest è 4 emnas.
Prolungaziun Il temp d'emprest po vegnir prolungà 7 dis avant la scadenza avant la scadenza dal termin per 2x ulteriuras 4 emnas. Prolungaziuns san succeder
online, per telefon ubain en scrit cun inditgar il numer da la carta da legitimaziun. I n'è betg pussaivel da prolungar en cas ch'ina reservaziun è en vigur. Per cas ch'in auter utilisader ubain in'autra utilisadra fan ina reservaziun, po la prolungaziun vegnir revocada.
Admoniziun Cura ch'il termin d'emprest è spira, vegn l'utilisader u l'utilisadra admonì. Las taxas d'admoniziun en classifitgadas sco suonda:
1. admoniziun: 2 frs.
2. admoniziun: + 5 frs. (10 dis suenter la scadenza dal termin)
3. admoniziun: + 10 frs. (20 dis suenter la scadenza dal termin)
Suenter trais admoniziuns senza success ed ina brev d'admoniziun (taxa da copiatura 5 frs.) vegnan instradads pass giuridics.
Reservaziun Mintga med emprestà po vegnir reservà online ubain en la biblioteca per ina taxa da 2 frs.
Responsabladad Meds donnegiads u pers han da vegnir indemnisads per la valita da nov a la biblioteca. L'utilisader e l'utilisadra èn supplitgads per agen interess da render attent il persunal d'emprest a donns existents cura ch'els retschaivan ils meds. Donns vi da meds na dastgan betg vegnì reparads sez.
En l'urden da diever pon ins prender invista en la biblioteca!
